HESHIIKA XABAD JOOJINTA MUQDISHO OO HELAY SOO DHAWEYN TAXADAR LEH.

HESHIIKA XABAD JOOJINTA MUQDISHO OO HELAY SOO DHAWEYN TAXADAR LEH. Nairobi, IRIN, December 3 Dawlada KMG ah ee Soomaaliya ayaa sheegtay inay ku faraxsan tahay heshiiskii Xabadjoojinta Muqdisho ee Isniintii la saxiixay. Wasiirka Warfaafinta Abdirahman Haji Adan Ibbi ayaa u sheegay IRIN inay sugayaan sida uu u hirgalo heshiiska, isagoo intaa sii raaciyey in Heshiiskan uu ka fursad wanaagsan yahay kuwii ka horeeyey maadaama ay ku wada jiraan dhamaan Hogaamiyeyaasha Kooxaha Siyaasada Muqdisho iyo Dawlada KMG ah. La Gudoomiyaha Golaha SRRC Hussein Mohamed Aideed ayaa isna IRIN u sheegay in heshiisku ahaa mid loo wada dhan yahay, uuna guuleysan doono. Waxa uu intaa raaciyey in dhibaatada Soomaaliya 80% ay ka taagneyd Caasimada Muqdisho, sidaa darteed uu muhiim yahay heshiiskan. Heshiiska Xabadjoojinta oo dhinacyada saxiixay ay ku heshiiyeen in Colaada la joojiyo ayaa waxa ay ku sheegeen in si wadajir ah ay ula dagaali doonaan Burcada iyo Maliishiyada Hubeysan . Heshiiska ayaa waxa wada saxiixay Dawlada KMG iyo Hogaamiyeyaasha Siyaasada ee Muqdisho Mohmed Qanyare Afrah, Musa Sudi Yalahow, Hussein Mohamed Aideed, Osman Hassan Ali Ato and Omar Mahmud Mohamed Finish. Dhinaca kale Gudiyadii Farsamada Shirka wejigiisa Labaad aayaa maanta bilaabaya hawlahoodii, kadib markii gudiga qabanqaabada IGAD ay sheegeen inay soo gabagabeeyeen liisaskii Xubnaha gudiyada Farsamada. Warar ku dhawdhaw shirka ayaa sheegaya in sadex ka mid ah gudiyada ay yeesheen kulamadoodii ugu horeeyey. Wasiirka Warfaafinta ee Dawlada KMG Abdirahman Haji Adan Ibbi ayaa sheegay in Dawlada KMG ah ay diiday inay ka qeybgasho, kadib sida uu sheegay markii Gudiga Qabanqaabada IGAD ay ka tageen qaar ka mid ah Xubnihii loo qoondeeyey Dawlada KMG ah, laakiin waxa uu intaa sii raaciyey in uu u filayo in arintaasi la xalin doono maanta ama beri. DHAMAAD